ଝାରସୁଗୁଡ଼ା, ଜିଲ୍ଲାପାଳ ଶ୍ରୀ କୁଣାଲ ମୋତିରାମ ଚହ୍ବାଣଙ୍କ ଅଧ୍ୟକ୍ଷତାରେ ଅନୁଷ୍ଠିତ ୨୨ତମ ଜିଲ୍ଲା ସ୍ତରୀୟ ମୂଲ୍ୟାଙ୍କନ କମିଟି (DLEC) ବୈଠକରେ ୯ଟି ବିଭିନ୍ନ ସଂସ୍ଥାର ଭୂତଳ ଜଳ ଆବଣ୍ଟନ ଆବେଦନକୁ ଅନୁମୋଦନ ମିଳିଛି। ବୁର୍ଲା ଜଳସେଚନ ବିଭାଗର ଅଧୀକ୍ଷଣ ଯନ୍ତ୍ରୀଙ୍କ ଦ୍ୱାରା ଉପସ୍ଥାପିତ ସୁପାରିଶକୁ ଭିତ୍ତି କରି ଜିଲ୍ଲାପାଳ ଏହି ସବୁଜ ସଙ୍କେତ ଦେଇଛନ୍ତି।
ଏହି ଅନୁମୋଦନ ଅନୁଯାୟୀ, ଜିଲ୍ଲାରେ କାର୍ଯ୍ୟରତ ୭ଟି ପ୍ରମୁଖ ଶିଳ୍ପ ଓ ଖଣି ଭିତ୍ତିକ ଅନୁଷ୍ଠାନ ସମେତ ୨ଟି ବଡ଼ ହୋଟେଲକୁ ସେମାନଙ୍କର ବୈଷୟିକ ଆବଶ୍ୟକତା ପାଇଁ ଜଳ ବ୍ୟବହାର କରିବାକୁ ଅନୁମତି ପ୍ରଦାନ କରାଯାଇଛି। ଏହି ସଂସ୍ଥାଗୁଡ଼ିକ ପକ୍ଷରୁ ରାଜ୍ୟ ସରକାରଙ୍କ 'ଗୋ-ସ୍ୱିଫ୍ଟ' (GOSWIFT) ପୋର୍ଟାଲ ମାଧ୍ୟମରେ ଆବେଦନ କରାଯାଇଥିଲା। ଅନୁମୋଦିତ ସଂସ୍ଥାଗୁଡ଼ିକ ମଧ୍ୟରେ ଶିବାୟ ଲଜିଷ୍ଟିକସ୍, ମାଇକ୍ରୋକୋଜମ୍ ରିଫ୍ରାମିନ୍, ଟେକ୍ନୋ ଟ୍ରେଡ୍ ଇଙ୍କ୍, ଗାର୍ଡେନ ପ୍ୟାଲେସ ଆଣ୍ଡ ରିସୋର୍ଟ, ହୋଟେଲ କନିଷ୍କ, କୁରାଲୋଇ (ଏ) ନର୍ଥ କୋଲ୍, ଓଡ଼ିଶା ମେଟାଲିକ୍ସ, ଆଲ୍ପସ ମାଇନିଂ ସର୍ଭିସେସ ଏବଂ ଉତ୍କଳ ହାଇଡ୍ରୋକାର୍ବନ ସାମିଲ ଅଛନ୍ତି।
ବୈଠକରେ ଜଳର ସଦୁପଯୋଗ ଏବଂ ଭୂତଳ ଜଳ ସ୍ତରର ସୁରକ୍ଷା ଉପରେ ମଧ୍ୟ ଗୁରୁତ୍ୱାରୋପ କରାଯାଇଛି। ଜିଲ୍ଲାପାଳଙ୍କ ଏହି ଅନୁମୋଦନ ପରେ ପରବର୍ତ୍ତୀ କାର୍ଯ୍ୟାନୁଷ୍ଠାନ ପାଇଁ ରାଜ୍ୟ ଜଳ ସମ୍ପଦ ବିଭାଗର 'ଜଳ ଆବଣ୍ଟନ କମିଟି' (WAC) କୁ ସୁପାରିଶ ପଠାଯାଇଛି।
 ର ୨୨ତମ ବୈଠକରେ ୯ଟି ସଂସ୍ଥାର ଜଳ ଆବଣ୍ଟନ ପ୍ରସ୍ତାବକୁ ଜିଲ୍ଲାପାଳଙ୍କ ଅନୁମୋଦନ ){kind=link}
0 Comments