ପଞ୍ଚପଡ଼ା ଶିଶୁ ବିକାଶର ବିଦ୍ୟାମନ୍ଦିରରେ ଶିଶୁ ଦିବସ ଓ ସଞ୍ଚୟ ପକ୍ଷ ପାଳିତ ।

 ଶିଶୁ ବିକାଶ ବିଦ୍ୟାମନ୍ଦିର ପ୍ରାଙ୍ଗଣରେ ଶିଶୁ ଦିବସ ଓ ସଞ୍ଚୟ ପକ୍ଷ ମହା ଧୁମ୍ ଧାମରେ ପାଳିତ ହୋଇଯାଇଛି, ଉକ୍ତ କାର୍ଯ୍ୟକ୍ରମରେ ଝାରସୁଗୁଡା ସଂସ୍କାର ସଚିବ ମାନନୀୟା ଶୀମତୀ ମିନରଭା ଦାସ , ମୁଖ୍ୟ ଅତିଥି ତଥା ସଞ୍ଚୟ ଅଧିକାରୀ ସୁମନା ପଣ୍ଡା ଓ ସମାଜ ସେବୀ ଶ୍ରୀଯୁକ୍ତ ପ୍ରେମାନନ୍ଦ ପଟେଲ ସମ୍ମାନୀତ ଅତିଥି ଭାବରେ  ଯୋଗଦେଇଥିଲେ l ଉକ୍ତ କାର୍ଯ୍ୟକ୍ରମ କୁ ବିଦ୍ୟାଳୟର ଗୁରୁମା ମନ୍ଦାକିନୀ ମାକର ପରିଚାଳନା କରିଥିବା ବେଳେ ବିଦ୍ୟାଳୟର ପ୍ରଧାନ ଆଚାର୍ଯ୍ୟା ସଭା ପତିତ୍ଵ କରିଥିଲେ । ବିଦ୍ୟାଳୟର ସମ୍ପାଦକ ଶ୍ରୀଯୁକ୍ତ ଦିଗାମ୍ବର ମାଝୀ ଅତିଥି ପରିଚୟ କରିଥିଲେ। ସରକାରୀ ସ୍ତରରେ ଥିବା ସଞ୍ଚୟ ଓ ଆର୍ଥିକ ସେବା ବିଭାଗ ଅଧିକାରୀ ସୁମନା ପଣ୍ଡା ସଞ୍ଚୟ ପକ୍ଷ ଅବସରରେ ସୁକନ୍ୟା ଯୋଜନାର ମହତ୍ତ୍ୱ ଉପଲକ୍ଷେ ଅଭିଭାଷଣ ରଖିଥିଲେ । ମୁଖ୍ୟଅତିଥି ଶ୍ରୀମତୀ ଦାସ ଶିଶୁମାନେ କିପରି ଦେଶପ୍ରେମରେ           

ଉଦବୁଦ୍ଧ ହେବେ ତାହା ଉପରେ ନିଜର ବକ୍ତବ୍ୟ ରଖିଥିଲେ । ସମ୍ପାଦକ ଶ୍ରୀ ମାଝୀ ମୁଖ୍ୟବକ୍ତା ଭାବରେ ଶିଶୁଙ୍କର ଉଜ୍ଵଳ ଭବିଷ୍ୟତ କାମନା କରି ତେଜସ୍ୱୀ 

ଅଭିଭାଶଣ ପ୍ରଦାନ କରିଥିଲେ । ଶିଶୁ ଦିବସ ଉପଲକ୍ଷେ ଶିଶୁଙ୍କ ମଧ୍ଯରେ ହୋଇଥିବା ଓଡ଼ିଆ ଭାଷା 

ଉପରେ ବିଭିନ୍ନ ପ୍ରତିଯୋଗିତା ଯଥା- ପ୍ରବନ୍ଧରେ ସାଇକ୍ରୀଷ୍ଣା ମାଝୀ , ପ୍ରତ୍ୟୁଷ ପଟେଲ, ସଂପୂର୍ଣ୍ଣ   

ପ୍ରିୟଦର୍ଶନୀ ଓ ଶୁଭଶ୍ରୀ କୁଣ୍ଡ , ସୁଲିଖନରେ ଶୁଭଶ୍ରୀ କଣ୍ଟା, ଲାଲ ଶ୍ରେୟାଂଶ ସିଂ, ସ୍ୱୟଂପ୍ରଭା ବିଶୋଇ ଓ ପ୍ରସନ୍ନିତା ନନ୍ଦ, ଗଳ୍ପରେ ଲେହେନା ମହାନ୍ତି, ଅଂଶୁମାନ ବଳ, ଟ୍ୱିଙ୍କିଲ ମହାରଣା ଏବଂ ଗୀତରେ ବିଷ୍ଣୁପ୍ରିୟା ବେହେରା, ରିୟାଂଶ ଦ୍ଵିତୀୟା ଚାନ୍ଦ, ପ୍ରିୟାଂଶି ପିଙ୍ଗ, ସୌମ୍ୟା ମେହେର, ସମରିତା ମହାନ୍ତି ଆଦି ପ୍ରଥମ, ଦ୍ବିତୀୟ, ତୃତୀୟ ସ୍ଥାନ ଅଧିକାର କରି ପୁରୁସ୍କୃତ ହୋଇଥିଲେ ।

ଉକ୍ତ ପ୍ରତିୟୋଗିତାରେ ବୀଣାପାଣି    

ପ୍ରଧାନ, କୁସୁମ ନଈ,ଶିବାନୀ ସାହୁ ଓ ଅମୟ ନାୟକ ପରିଚାଳନା କରିଥିବା ବେଳେ ରଞ୍ଜିତା ନାଏକ ଓ ଝରଣା ସାହୁ ଉକ୍ତ ଉତ୍ସବକୁ ସଂଯୋଜନା କରିଥିଲେ । ସୁକନ୍ୟା ସମୃଦ୍ଧି ଯୋଜନାକୁ ଫଳପ୍ରଦ କରିବା ପାଇଁ ଚନ୍ଦ୍ରିକା କିସାନ,ମୈଥିଳୀ ସାହୁ, ଗୁଲାପି ପାଣ୍ଡେ ଓ ସବିତା ପାଣ୍ଡେ ଉତ୍ତମ ପରିକଳ୍ପନା  କରି ସହଯୋଗ କରିଥିଲେ । ପରିଶେଷରେ କୋଷାଧ୍ୟକ୍ଷା ପ୍ରିୟଙ୍କା ସାହୁ ଧନ୍ୟବାଦ ଅର୍ପଣ କରି କାର୍ଯ୍ୟକ୍ରମର ପରିସମାପ୍ତି ଘୋଷଣା କରିଥିଲେ ।