ଝାରସୁଗୁଡ଼ା ସହର ର ସର୍ବାଙ୍ଗୀନ ବିକାଶ ପାଇଁ ଗୃହ ଓ ନଗର ଉନ୍ନୟନ ମନ୍ତ୍ରୀଙ୍କୁ ଭେଟିଲେ ଝାରସୁଗୁଡ଼ା ବିଧାୟକ

 *ଝାରସୁଗୁଡ଼ା ସହର ର ସର୍ବାଙ୍ଗୀନ ବିକାଶ ପାଇଁ ଗୃହ ଓ ନଗର ଉନ୍ନୟନ ମନ୍ତ୍ରୀ ଙ୍କୁ ଭେଟିଲେ ଝାରସୁଗୁଡ଼ା ବିଧାୟକ*

*ଆଗାମୀ ୧୦୦ ବର୍ଷ କୁ କେନ୍ଦ୍ର କରି ପ୍ରସ୍ତୁତ ହେବ ମାଷ୍ଟର ପ୍ଲାନ୍*

ଝାରସୁଗୁଡା ସହର ର ସର୍ବାଙ୍ଗୀନ ଉନ୍ନତି ଓ ବିକାଶ ପାଇଁ ଆଜି ଝାରସୁଗୁଡ଼ା ବିଧାୟକ ଟଙ୍କଧର ତ୍ରିପାଠୀ ଙ୍କ ଅଧ୍ୟକ୍ଷତା ରେ ଝାରସୁଗୁଡ଼ା ପୌର ପରିଷଦ ର ଏକ ଟିମ୍ ଆଜି ଗୃହ ଓ ନଗର ଉନ୍ନୟନ ବିଭାଗ ର ମନ୍ତ୍ରୀ ଙ୍କ ସହିତ ଆଲୋଚନା କରିଛନ୍ତି।ଏହି ବୈଠକ ରେ ଝାରସୁଗୁଡ଼ା ସହର ର ଆଗାମୀ ୧୦୦ ବର୍ଷ କୁ ଆଖି ଆଗରେ ରଖି ଝାରସୁଗୁଡ଼ା ସହର ପାଇଁ ଯୋଜନା ପ୍ରସ୍ତୁତ ହୋଇଛି ।ମନ୍ତ୍ରୀ ଓ ବିଭାଗୀୟ ଅଧିକାରୀଙ୍କ ଉପସ୍ଥିତିରେ  ଆଲୋଚନା ହୋଇଛି।ଝାରସୁଗୁଡ଼ା ଜିଲ୍ଲାରେ ଓଡ଼ିଶା ର ଦ୍ଵିତୀୟ ବିମାନ ବନ୍ଦର ରହିଛି।ଏହାକୁ ଆଖି ଆଗରେ ରଖି ମନ୍ତ୍ରୀ ଙ୍କ ସହିତ ସମସ୍ତ ଆଲୋଚନା ହୋଇଛି।ମୁଖ୍ୟତଃ ଝାରସୁଗୁଡ଼ା ସହର କୁ ଗୋଟିଏ ସବୁଜ ସୁନ୍ଦର ସହର ଗଢି ତୋଳିବା ଆଜିର ବୈଠକ ଆଲୋଚନା ହୋଇଥିଲା।ସେହିପରି ଭାବରେ ଆଜି ଝାରସୁଗୁଡ଼ା ପୌର ପରିଷଦ ପକ୍ଷରୁ ମନ୍ତ୍ରୀ ଙ୍କ ନିକଟରେ ଏକ ଦାବି ଉପସ୍ଥାପନ କରାଯାଇଥିଲା।ଯେଉଁଥିରେ ମୁଖ୍ୟତଃ ଝାରସୁଗୁଡ଼ା ପୌର ପରିଷଦ କାର୍ଯ୍ୟାଳୟ ର ନୂତନ ଗୃହ ନିର୍ମାଣ, ହଟଲି ପଡ଼ା ରେ ସ୍ଵତନ୍ତ୍ର ମାର୍କେଟ କମ୍ପ୍ଲେକ୍ସ ର ନିର୍ମାଣ,ସ୍ଵତନ୍ତ୍ର ଆମିଷ ବଜାର ର ନିର୍ମାଣ, ସରବାହାଲ ସ୍ଥିତ ପଡିଆ ରେ ୱାକିଂ ଟ୍ରାକ ର ନିର୍ମାଣ,ମାଲିମୁଣ୍ଡା ରେ ଗୋଶାଳା ନିର୍ମାଣ,ଝାରସୁଗୁଡ଼ା ସହର ରେ ଥିବା ପୋଖରୀ ର ଉନ୍ନତି କରଣ,ନୂତନ ପାର୍କ ନିର୍ମାଣ,ଗାଈ ଧରିବା ପାଇଁ ସ୍ବତନ୍ତ୍ର ଗାଡ଼ି,ବୁଲା କୁକୁର ଧରିବା ପାଇଁ ସ୍ବତନ୍ତ୍ର ଗାଡ଼ି,ସୁନାରି ମୁଡ଼ା ରେ ଭେଡିଂ ଜୋନ ନିର୍ମାଣ,ଝାରସୁଗୁଡ଼ା ସହର କୁ ସୁନ୍ଦରୀ କରଣ କରିବା ପାଇଁ ଚାରୋଟି କ୍ଲକ ଟାୱାର ,ସହର ରେ ସୁନ୍ଦର କରିବା ପାଇଁ ଚାରୋଟି ଗେଟ୍ ଆଦି ଦାବି ମନ୍ତ୍ରୀ ଙ୍କ ନିକଟରେ ଝାରସୁଗୁଡ଼ା ନଗରପାଳ ,ଉପ  ନଗରପାଳ ଓ କାଉନ ସିଲର ମାନେ ଉପସ୍ଥାପନ କରିଥିଲେ।ଏହି ଅବସରରେ ବର୍ତ୍ତମାନ ସାରା ଓଡ଼ିଶା ରେ ସହର ଗୁଡ଼ିକ ର ବିକାଶ କରିବା ପାଇଁ ମାନ୍ୟବର ମୁଖ୍ୟମନ୍ତ୍ରୀ ଚାହୁଛନ୍ତି।ଆମେ ମଧ୍ୟ ତାକୁ କିପରି କାର୍ଯ୍ୟକାରୀ କରିବୁ ଏବଂ ସହର ର ବିକାଶ କରିବୁ,ସବୁ ସହର ବୃଦ୍ଧି କରିବୁ ଏ ସବୁ ବିଷୟ ରେ ଅଧିକ ଗୁରୁତ୍ବ ଦିଆହେଉଛି।ଯେଉଁ ବିଷୟ ମାନେ ଆଜିର ବୈଠକ ରେ ରଖାଯାଇଛି ସେହି ସବୁ ବିଷୟ ଗୁଡ଼ିକ ପୂରଣ କରିବା ପାଇଁ ପ୍ରତିଶ୍ରୁତି ଦିଆଯାଇଛି ଖୁବ୍ ଶୀଘ୍ର ଅର୍ଥ ବ୍ୟବସ୍ଥା କରାଯିବ ବୋଲି ମନ୍ତ୍ରୀ କୃଷ୍ଣ ଚନ୍ଦ୍ର ମହାପାତ୍ର କହିଛନ୍ତି।ଆଜିର ବୈଠକ ରେ ଝାରସୁଗୁଡ଼ା ବିଧାୟକ ଙ୍କ ସମେତ ଝାରସୁଗୁଡ଼ା ପୌର ପରିଷଦ ନିର୍ବାହୀ ଅଧିକାରୀ ମାନସ ରଞ୍ଜନ ମଲ୍ଲିକ,ଝାରସୁଗୁଡ଼ା ନଗରପାଳ ରାଣୀ ହାତୀ,ଝାରସୁଗୁଡ଼ା ଉପ ନଗରପାଳ ରାଜୁ ପାଣିଗ୍ରାହୀ,ଝାରସୁଗୁଡ଼ା ର ତିନି ନମ୍ବର ୱାର୍ଡ ର କାଉନସିଲର ବନ୍ଦନା ମୂନ୍ଦ୍ରା,13 ନମ୍ବର ୱାର୍ଡ କାଉନସିଲର ଦେଵବ୍ରତ ପାଣ୍ଡେ,ଝାରସୁଗୁଡ଼ା 19 ନମ୍ବର ୱାର୍ଡ କାଉନସିଲର ତରଙ୍ଗ ଦୁବେ,ଅରବିନ୍ଦ ପାଠକ, ମୋନାଜ କଲେତ,ସନ୍ତୋଷ ଯାଦବ,ପ୍ରେମସେନ ରାୟ,ବିକଳ୍ପ ତିୱାରୀ,ବିରେନ୍ଦ୍ର ପାଣ୍ଡେ,ସୋନୁ ଥିରାନି,ବିମଳେନ୍ଦୁ ଭୋଳ ପ୍ରମୁଖ ଉପସ୍ଥିତ ଥିଲେ ।