ବେଲପାହାଡ଼ ପୌରପରିଷଦରେ କୋଟି କୋଟି ଟଙ୍କା ହେର ଫେର କରିଥିବା ଅଭିଯୋଗରେ ଆକାଉଣ୍ଟାଣ୍ଟ ବିଭୂତି ସାହୁ ଗିରଫ

 ବେଲପାହାଡ ପୌରପରିଷଦକୁ ପହଞ୍ଚି କୋଟି କୋଟି ଟଙ୍କାର ହେରଫେର ଯାଞ୍ଚ ଆରମ୍ଭ କଲା ଦୁଇ ଜଣିଆ ସ୍ପେଶାଲ ଅଡିଟ ଟିମ | ପୌର ପରିଷଦ ଆକାଉଣ୍ଟାଣ୍ଟ ବିଭୁତି ସାହୁ ଗିରଫ |

ବେଲପାହାଡ ପୌରପରିଷଦ ରେ  କୋଟିଏରୁ ଅଧିକ ଟଙ୍କା ଆତ୍ମସାତ ହୋଇଥିବା ଅଭିଯୋଗ ଦୁଇ ଜଣିଆ ସ୍ପେଶାଲ ଅଡିଟ ଟିମ ପହଂଚି ତନାଘନା ଆରମ୍ଭ କରିଛି |  ଏହି ଅଡିଟ ଟିମ ବେଲପାହାଡ ପୌରପରିଷଦ କୁ ପହଂଚି ୨୦୨୪-୨୫ ଆର୍ଥିକ ବର୍ଷର ଆୟ ବ୍ୟୟ ଅଡିଟ ଆରମ୍ଭ କରିଛି | ବେଲପାହାଡ ପୌରପରିଷଦ ରେ ଥିବା ସମସ୍ତ କର୍ମଚାରୀଙ୍କୁ ପଚରାଉଚୁରା କରିବା ସହ କାଗଜପତ୍ର ତଦାରଖ କରୁଛି ଏହି ଅଡିଟ ଟିମ | ତେବେ ଏହି  ସ୍ପେଶାଲ ଅଡିଟ ଟିମ  ୨୦୨୪-୨୫ ରେ ହୋଇଥିବା ସମସ୍ତ କାର୍ଯ୍ୟ ର ଟିକିନିଖି ହିସାବ ବାହାର କରିବା ସହ  ୨୦୨୪-୨୫ ଆର୍ଥିକ ବର୍ଷ ରେ ବିଭିନ୍ନ ପ୍ରକଳ୍ପ ରେ ଖର୍ଚ ହୋଇଥିବା ବ୍ୟୟ ଅଟକଳ ଉପରେ ମଧ୍ୟ ତଦନ୍ତ କରିବ |  ମ୍ୟୁନିସିପାଲଟି ଆକାଉଣ୍ଟରେ ଥିବା କୋଟିଏରୁ ଅଧିକ ଟଙ୍କା ହେରଫେର୍ ହୋଇଥିବା ବେଳେ ଏବେ ବିଭିନ୍ନ ଠିକାଦାରଙ୍କ ବିଲ୍ ପେମେଣ୍ଟ ପାଇଁ ବେଲପାହାଡ ପୌର ପରିଷଦ ପାଖରେ ଆଉ ପର୍ଯ୍ୟାପ୍ତ ଅର୍ଥ ନାହିଁ |

 ତେବେ ନିର୍ଦ୍ଦିଷ୍ଟ ୨ ଜଣ କର୍ମଚାରୀ ହିଁ ଏହି ଦୁର୍ନୀତିରେ ସାମିଲ୍ ଥିବା ବେଲପାହ ପୌରପରିଷଦ ରେ ଦୁର୍ନୀତି ହେବା ଅଭିଯୋଗ ହେବ ପରଠାରୁ ସେମାନେ ଫେରାର୍ ଥିବା ବେଳେ ତାଙ୍କ ଫୋନ ସ୍ଵିଚ ଅଫ ଅଛି | ଯାହା ଏହି ଦୁର୍ନୀତି କୁ ଆହୁରି ସନ୍ଦେହ ଜନକ ରୂପ ପ୍ରଦାନ କରୁଛି | ତେବେ ଏହି ଟିମ ରେ ଜଣେ ଅଡିଟର ଅରବିନ୍ଦ ସାମନ୍ତ ଏବଂ ଜଣେ ଅଡିଟ ଅଫିସର  ମନୋରଞ୍ଜନ ବେହେରା ଥିବା ନେଇ ସୂଚନା ମିଳିଛି | ତେବେ ବେଲପାହାଡ ପୌରପରିଷଦ   ଆକାଉଣ୍ଟାଣ୍ଟ ବିଭୁତି ସାହୁ ଙ୍କୁ ସ୍ପେସିଆଲ ଅଡିଟ ଟିମ ଅଟକ ରଖି ପଚରାଉଚୁରା କରିବା ପରେ ତାଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଥିବା ଜଣାପଡିଛି।