ପବିତ୍ର ଗଣେଷ ପୂଜା ଏବଂ ନୂଆଁଖାଇ ପାଇଁ ଚଳଚଞ୍ଚଳ ସମଗ୍ର ପଶ୍ଚିମ ଓଡିଶା। ତେବେ ଝାରସୁଗୁଡା ଜିଲ୍ଲା ସଦର ବ୍ଲକ ଲୋଇସିଂହ ଗ୍ରାମପଂଚାୟତ ଅନ୍ତର୍ଗତ କଦଲିମୁଣ୍ଡା ଗ୍ରାମରେ ଗଣେଷ ପୂଜା କମିଟି ପକ୍ଷରୁ ଗଜାନନ ଗଣେଷ ଙ୍କ ଭଷାଣି କାର୍ଯ୍ୟକ୍ରମ ଧୁମାଧାମରେ ଅନୁଷ୍ଠିତ ହୋଇଯାଇଛି। ଏହି ଭଷାଣି ଶୋଭାଯାତ୍ରାରେ ଅନେକ ଭକ୍ତ ଉପସ୍ଥିତ ରହିଥିବା ବେଳେ ସମସ୍ତ ଭକ୍ତଙ୍କୁ କମିଟି ପକ୍ଷରୁ ଭୋଗ ବଣ୍ଟନ କରାଯାଇଥିଲା। ଡିଜେ ବାଜା ସହିତ ପାରମ୍ପରିକ ବାଦ୍ୟ ନୃତ୍ୟର ତାଳେତାଳେ ବିଗ୍ନହର୍ତା ଗଣେଷ ଙ୍କ ଭଷାଣି ଶୋଭାଯାତ୍ରା ଅନୁଷ୍ଠିତ ହୋଇଥିବା ବେଳେ ଅନେକ ଶ୍ରଦ୍ଧାଳୁ ଉପସ୍ଥିତ ରହି ବିଦାୟ ଦେଇଥିଲେ। ଏହାକୁ ଦେଖିବା ପାଇଁ ଅଞ୍ଚଳର ଅନେକ ଭକ୍ତ ସାମିଲ ହୋଇ ଗଜାନନ ଗଣେଷ ଙ୍କୁ ବିଦାୟ ଦେଇଥିଲେ। ତେବେ ଏହାକୁ ନେଇ ଅଞ୍ଚଳରେ ଏକ ଭକ୍ତିମୟ ପରିବେଶ ସୃଷ୍ଟି ହୋଇଥିଲା। କଦଲିମୁଣ୍ଡା ଗଣେଷ ପୂଜା କମିଟି ସଦସ୍ୟ ସୁଜିତ ପଧାନ, ବିଜୟ ଖଡ଼ିଆ,ସଂଜୀବ ଖଡ଼ିଆ, ସୁନୀଲ ଖଡ଼ିଆ, ପପୁନ ଖଡ଼ିଆ ପ୍ରମୁଖ ଭଷାଣି କାର୍ଯ୍ୟକ୍ରମରେ ବିଶେଷ ଭୂମିକା ଗ୍ରହଣ କରିଥିଲେ।
0 Comments