ଅଙ୍ଗନୱାଡି କର୍ମଚାରୀ ମାନେ ବିଭିନ୍ନ ଦାବି ନେଇ ପହଁଚିଲେ ଜିଲାପାଳଙ୍କ କାର୍ଯ୍ୟାଳୟ

 ଅଙ୍ଗନୱାଡି କର୍ମଚାରୀ ମାନେ ବିଭିନ୍ନ ଦାବି ନେଇ ପହଁଚିଲେ ଜିଲାପାଳଙ୍କ କାର୍ଯ୍ୟାଳୟ 

ଭାରତୀୟ ମଜଦୁର ସଂଘ ସଂଲଗ୍ନ ଓଡ଼ିଶାର ଝାରସୁଗୁଡ଼ା ଶାଖା ଅଙ୍ଗନୱାଡି କର୍ମଚାରୀ ମାନେ ବିଭିନ୍ନ ଦାବି ନେଇ ଝାରସୁଗୁଡା ଜିଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି | ସେମାନଙ୍କ ଦାବି ଅନୁଯାୟୀ ଅଙ୍ଗନୱାଡି କର୍ମୀ ସହାୟିକାଙ୍କୁ ସରକାରୀ ଘୋଷଣା, କର୍ମୀଙ୍କୁ ୧୮ ହଜାର ଏବଂ ସହାୟିକାଙ୍କୁ ୯ ହଜାର ଟଙ୍କା ମାସିକ ପ୍ରଦାନ, କର୍ମୀଙ୍କୁ ୧୦ ଲକ୍ଷ ଓ ସହାୟିକାଙ୍କୁ ୫ ଲକ୍ଷ ଲେଖାଏ ଅବସରକାଳୀନ ସହାୟତା ରାଶି ସହିତ ୫ ହଜାର ଟଙ୍କା ପେନ୍‌ସନ୍‌ ପ୍ରଦାନ ଆଦି ଦାବି ଦାବି ପତ୍ର ରେ ଉଲ୍ଲେଖ କରାଯାଇଛି | ଏହି ଅବସରରେ ଅଙ୍ଗନଓ୍ବାଡି ୱାର୍କର୍ସ ସଂଘର ୨୦୦ରୁ ଊର୍ଦ୍ଧ୍ୱ କର୍ମୀ ଓ ସହାୟିକା ସାମିଲ ହୋଇ ସଭାପତି ଜ୍ୟୋତ୍ସ୍ନା ମହାନନ୍ଦଙ୍କ ନେତୃତ୍ୱ ରେ ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ାଙ୍କ ଉଦ୍ଦେଶ୍ୟରେ ଜିଲାପାଳ କୁନାଲ ମୋତିରାମ ଚୌହାନଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି |