ଝାରସୁଗୁଡ଼ା ଜିଲ୍ଲା ଲଇକେରା ବ୍ଳକ ବାବୁଛିପିଡିହି ପଂଚାୟତ ଅନ୍ତଗତ ବାଇଗନବୁତ ଗ୍ରାମରେ ସେଚ୍ଛାସେବୀ ଅନୁଷ୍ଠାନ ସେଓ୍ବା ଆନୁକୁଲ୍ୟରେ ବନଦୁର୍ଗା ଜଳବିଭାଜିକା ପ୍ରକଳ୍ପ ନିକଟରେ ମାଁ ପାଇଁ ଗଛ ଟିଏ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ବନଦୁର୍ଗା ଜଳବିଭାଜିକା ପ୍ରକଳ୍ପର ପ୍ରୋଜେକ୍ଟ ମ୍ୟାନେଜର ସୁଶ୍ରୀ ସଙ୍ଗୀତା ଦାସଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଝାରସୁଗୁଡ଼ା ବିଧାୟକ ଟଙ୍କଧର ତ୍ରିପାଠୀ ମୁଖ୍ୟଅତିଥି ଭାବେ ଯୋଗଦେଇଥିବା ବେଳେ ସମ୍ମାନିତ ଅତିଥି ଭାବେ ସେୱାର ସମ୍ପାଦକ ସୁଶୀଲ ଦାଶ ଓ ସାହାରପୁର ସରପଂଚ ସୁକାନ୍ତି ଜୟପୁରିଆ ଯୋଗ ଦେଇଥିଲେ । ବୃକ୍ଷ ହିଁ ଜୀବନ । ଜଣେ ବ୍ୟକ୍ତି ଖାଦ୍ୟ ନ ଖାଇ ବଂଚି ପାରିବ କିନ୍ତୁ ପବନ ବିନା ବଂଚି ପାରିବ ନାହିଁ । ଏଣୁ ଉତ୍ତମ ପବନ ପାଇଁ ସମସ୍ତଙ୍କୁ ବୃକ୍ଷ ଟିଏ ଲଗାଇବା ଜରୁରୀ ବୋଲି ବିଧାୟକ ମତବ୍ୟକ୍ତ କରିଥିଲେ । ଏହାସହ ରାଜ୍ୟରେ ସରକାର ପରିବର୍ତ୍ତନ ପରେ ଲୋକଙ୍କ ମଧ୍ୟ ଆର୍ଥିକ ପ୍ରଗତି ହୋଇଛି । ସରକାର ଯେଉଁ ପ୍ରତିଶୃତି ଦେଇଥିଲେ ତାହାକୁ ପୁରଣ କରିଛନ୍ତି । ସୁଭଦ୍ରା ଯୋଜନା, ଧାନରେ ଇନପୁଟ ସବସିତି ପ୍ରଦାନ ଇତ୍ୟାଦି ଅନେକ ଯୋଜନା ପ୍ରଣୟନ କରିଛନ୍ତି । ଏହାସହ କାମଧେନୁ ଯୋଜନା ବିଷୟରେ ମଧ୍ୟ ବିଧାୟକ ଅଂଚଳବାସୀଙ୍କୁ ସଚେତନ କରିଥିଲେ । ସେଓ୍ବାର ସମ୍ପାଦକ ସମସ୍ତଙ୍କୁ ବର୍ଷକୁ ଅତିକମରେ ଗୋଟିଏ ବୃକ୍ଷ ଲଗାଇବା ପାଇଁ ସଚେତନ କରିଥିଲେ । ଏହାସହ ବାବୁଛିପିଡିହି ଓ ଜାମମାଲ ପଂଚାୟତର ପ୍ରତ୍ୟେକ ପରିବାର ଅନ୍ୟୁନ ୭ଟି ଲେଖାଏଁ ଗଛ ପ୍ରଦାନ କରାଯିବ । ଏପରିକି ଉପରୋକ୍ତ ୨ଟି ପଂଚାୟତରେ ଥିବା ମାଁ ଅନ୍ଧାରୀ, ମାକରଚୁଆ ଓ ବନଦୁର୍ଗା ଜଳବିଭାଜିକା ପ୍ରକଳ୍ପ ଅଧିନରେ ପ୍ରାୟ ୮ ହଜାରରୁ ଉଦ୍ଧ ଗଛ ଲଗାଯିବ ବୋଲି କହିଥିଲେ । ଅନୁଷ୍ଠିତ ଏହି କାର୍ଯ୍ୟକ୍ରମରେ ଦୁର୍ଗା କିସାନ, ଦୁଃଶାସନ ବୁଦୁଲା, ମିଶ୍ର ମାଝୀ, ପା କେଲପଡ଼ା ବିଜେପି ମଣ୍ଡଳ ସଭାପତି କୁଳମଣି କିସାନ, ମୌଜିଲାଲ ଦଣ୍ଡସେନା, ପ୍ରଦୀପ ପ୍ରଧାନ, ନିଶିକାନ୍ତ ପଟେଲ, ରୋହିତ କିସାନ ପ୍ରମୁଖ ଉପସ୍ଥିତ ଥିଲେ ।
0 Comments