କାଳବୈଶାଖୀ ପାଇଁ ଝାରସୁଗୁଡା ଜିଲ୍ଲାକୁ ଓରେଞ୍ଜ ୱାର୍ନିଙ୍ଗ ଜାରି କଲା ପାଣିପାଗ ବିଭାଗ

 ଓଡ଼ିଶା ର ବିଭିନ୍ନ ସ୍ଥାନରେ କାଳ ବୈଶାଖୀ କୁ ନେଇ ତାପମାତ୍ରା ରେ ହ୍ରାସ ଦେଖାଯିବାର ପୂର୍ବାନୁମାନ କରିଛି ପାଣିପାଗ ବିଭାଗ।

ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ରାଜ୍ୟର ବିଭିନ୍ନ ସ୍ଥାନକୁ ଅରେଞ୍ଜ ଓ ୟେଲୋ ୱାର୍ଣ୍ଣିଂ ଜାରି କରାଯାଇଛି। ପାଖାପାଖି ୩ ରୁ ୫ ଡିଗ୍ରୀ ଯାଏଁ ତାପମାତ୍ରା ହ୍ରାସ ହେଇ ପାରେ ଏବଂ ୨୩ ତାରିଖ ଯାଏଁ  ରାଜ୍ୟର ବିଭିନ୍ନ ସ୍ଥାନରେ କାଳବୈଶାଖି ପ୍ରଭାବରେ ବର୍ଷା ସହିତ ଘଡଘଡ଼ିର ସମ୍ଭାବନା ରହିଛି। ଆସନ୍ତା ଦୁଇ ଦିନ ମଧ୍ୟରେ ରାଜ୍ୟର ସର୍ବୋଚ୍ଚ ତାପମାତ୍ରା ୩ ରୁ ୫ ଡିଗ୍ରୀ ପର୍ଯ୍ୟନ୍ତ  ହ୍ରାସ ପାଇବ। ଏ ନେଇ ଝାରସୁଗୁଡ଼ା ସମେତ ସୁନ୍ଦରଗଡ଼, ମୟୂରଭଞ୍ଜ, କେନ୍ଦୁଝର, ବାଲେଶ୍ବର, ଭଦ୍ରକ କୁ ଅରେଞ୍ଜ ୱାର୍ଣ୍ଣିଂ ଜାରି କରିଛି ପାଣିପାଗ ବିଭାଗ । ଏବଂ ଏହି ସମୟରେ ବିଜୁଳି ଘଡଘଡି ସହ ପ୍ରାୟ ୫୦ ରୁ ୬୦ କିମି ବେଗରେ ପବନ ବହିବ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି। ଝାରସୁଗୁଡ଼ା ରେ ତାପମାତ୍ରା ବୃଦ୍ଧି କୁ ନେଇ ପାଣିପାଗ ବିଭାଗ ରେଡ ୱାର୍ଣିଂ ଦେଇଥିବା ବେଳେ ଏବେ କାଳ ବୈଶାଖୀ ଯୋଗୁଁ କିଛିଟା ଆଶ୍ୱସ୍ତି ମିଳିପାରେ ବୋଲି ସୂଚନା ମିଳିଛି ।