ଏଣିକି ବର୍ଷକୁ ଦୁଇ ଥର ହେବ CBSE ବୋର୍ଡ ପରୀକ୍ଷା। ୨୦୨୬ ରୁ ଲାଗୁ ହେବ ଏହି ପରୀକ୍ଷା ପଦ୍ଧତି।
ଏବେ ସାରା ଦେଶରେ ଚାଲିଛି ବୋର୍ଡ ପରୀକ୍ଷା। ଛାତ୍ର ଛାତ୍ରୀ ମାନଙ୍କୁ ଏ ନେଇ ଚାପ ମୁକ୍ତ କରିବା ପାଇଁ କେନ୍ଦ୍ର ସରକାର ଏକ ବଡ ନିଷ୍ପତ୍ତି ନେଇଛନ୍ତି। ଏ ନେଇ ଜାତୀୟ ଶିକ୍ଷା ନୀତି ରେ ପ୍ରସ୍ତାବ ରଖିଛନ୍ତି କେନ୍ଦ୍ର ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ। ଏ ନେଇ ଧର୍ମେନ୍ଦ୍ର ପ୍ରଧାନ ଏକ ଉଚ୍ଚ ସ୍ତରୀୟ ବୈଠକ କରି ନିଷ୍ପତ୍ତି ନେଇଛନ୍ତି। କେବଳ ମ୍ୟାଟ୍ରିକ ନୁହେଁ ବରଂ ଯୁକ୍ତ ଦୁଇ ବୋର୍ଡ ପରୀକ୍ଷା କୁ ମଧ୍ୟ ବର୍ଷକୁ ଦୁଇ ଥର କରାଯିବା ପାଇଁ ପ୍ରସ୍ତାବ ରହିଛି। CBSE ମ୍ୟାଟ୍ରିକ ଓ ଯୁକ୍ତ ଦୁଇ ବୋର୍ଡ ପରୀକ୍ଷା ପ୍ରତିବର୍ଷ ଫେବୃୟାରୀ ରୁ ମାର୍ଚ୍ଚ ହେଉଛି ତେବେ ନୂଆ ଶିକ୍ଷା ନୀତି ସଂସ୍କାର ଅନୁସାରେ ବର୍ଷକୁ ଫେବୃୟାରୀ - ମାର୍ଚ୍ଚ ପ୍ରଥମ ଏବଂ ମେ ମାସରେ ଦ୍ଵିତୀୟ ପରୀକ୍ଷା ହେବ ବୋଲି କୁହାଯାଉଛି। ମୁଖ୍ୟତଃ ଛାତ୍ର ଛାତ୍ରୀ ମାନଙ୍କୁ ଚାପ ମୁକ୍ତ କରିବା ପାଇଁ CBSE ଏଭଳି ପଦକ୍ଷେପ ନେଇଛି ବୋଲି କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ କହିଛନ୍ତି।
0 Comments