ଝାରସୁଗୁଡାର ସାମଗ୍ରୀକ ବିକାଶ ନେଇ କେନ୍ଦ୍ରମନ୍ତ୍ରୀଂକୁ ନୂଆଦିଲ୍ଲୀରେ ସାକ୍ଷାତ କରି ପୃଥକ ଭାବେ ଆଲୋଚନା କରିଛନ୍ତି ବିଧାୟକ ଟଂକଧର ତ୍ରିପାଠୀ

 ଝାରସୁଗୁଡାର ସାମଗ୍ରୀକ ବିକାଶ ନେଇ ତିନି କେନ୍ଦ୍ରମନ୍ତ୍ରୀଂକୁ ନୂଆଦିଲ୍ଲୀରେ ସାକ୍ଷାତ କରି ପୃଥକ ଭାବେ ଆଲୋଚନା କରିଛନ୍ତି ବିଧାୟକ ଟଂକଧର ତ୍ରିପାଠୀ ।

କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନଂକୁ ସାକ୍ଷାତ କରି ଝାରସୁଗୁଡାରେ ଦ୍ବିତୀୟ କେନ୍ଦ୍ରୀୟ ବିଦ୍ୟାଳୟ ପ୍ରତିଷ୍ଠା କରିବାକୁ ଦାବି କରିଛନ୍ତି । ଝାରସୁଗୁଡାରେ ଥିବା କେନ୍ଦ୍ରୀୟ ବିଦ୍ୟାଳୟର ଅତିରିକ୍ତ ଶ୍ରେଣୀ ଗୃହ ନିର୍ମାଣ ସହ ଆବଶ୍ୟକ ସଂଖ୍ୟକ ଷ୍ଟାଫ ନିଯୁକ୍ତି ପାଇଁ ଦାବି ଜଣାଇଛନ୍ତି ।

ସେହିପରି କେନ୍ଦ୍ର ବେସାମରିକ ବିମାନ ଚଳାଚଳ ମନ୍ତ୍ରୀ କେ ରାମ ମୋହନ ରାଇଡୁଂକୁ ସାକ୍ଷାତ କରି ଦିଲ୍ଲୀ-ଝାରସୁଗୁଡା ସେକ୍ଚରରେ ଦ୍ବିତୀୟ ବିମାନ ଚଳାଚଳ, ଝାରସୁଗୁଡାରୁ ହାଇଦ୍ରାବାଦ, ମୁମ୍ବାଇ ଓ ଅଯୋଧ୍ୟାକୁ ବିମାନ ସେବା ଦାବି କରିଛନ୍ତି ।

ଏଥିସହ ଦ୍ରୂତଗାମୀ ଦୁରନ୍ତ ଏକ୍ସପ୍ରେସର ଝାରସୁଗୁଡାରେ ଏବଂ ଇସ୍ପାତ ଏକ୍ସପ୍ରେସର ବାଗଡିହି ଷ୍ଚେସନରେ ରହଣି ଲାଗି ରେଳ ମନ୍ତ୍ରୀ ଅଶ୍ବିନୀ ବୈଷ୍ଣବଂକ ଠାରେ ଦାବି ଜଣାଇଛନ୍ତି ।ଆଜି ନୂଆଦିଲ୍ଲୀରୁ ଝାରସୁଗୁଡାକୁ ଫେରିବା ପରେ ଦଳୀୟ କର୍ମୀ ଓ ସମର୍ଥକ ମାନେ ବିଧାୟକ ଟଂକଧର ତ୍ରିପାଠୀଂକୁ ବିମାନବନ୍ଦର ଠାରେ ସ୍ବାଗତ କରିଥିଲେ । ଏହି ଅବସରରେ ଶ୍ରୀ ତ୍ରିପାଠୀ ଗଣମାଧ୍ୟମକୁ ନିଜ ପ୍ରତିକ୍ରିୟାରେ କହିଥିଲେ ଯେ ଝାରସୁଗୁଡା ଦେଇ ଯାଇଥିବା ଏନଏଚ-୪୯କୁ ଚାରି ଥାକିଆ କରାଯିବା ଠାରୁ ଆରମ୍ଭ କରି ଦ୍ବିତୀୟ କେନ୍ଦ୍ରୀୟ ବିଦ୍ୟାଳୟ ପ୍ରତିଷ୍ଠା, ଝାରସୁଗୁଡାରେ ରେଳ ସେବା କ୍ଷେତ୍ରରେ ଉନ୍ନତି, ଦୂରନ୍ତ ଏକ୍ସପ୍ରେସ ଟ୍ରେନର ଝାରସୁଗୁଡାରେ ରହଣୀ ଭଳି ବହୁ ସମସ୍ୟା ଓ ଦାବିକୁ ନେଇ ବିଭାଗୀୟ ମନ୍ତ୍ରୀ ମାନଂକ ସହ ସକାରାତ୍ମକ ଆଲୋଚନା ହୋଇଛି । ପ୍ରାଥମିକତା ଦେଇ ଝାରସୁଗୁଡାର ବିଭିନ୍ନ ଦାବି ପୂରଣର ନିର୍ଭର ପ୍ରତିଶୃତି ମିଳିଛି । ଝାରସୁଗୁଡାର ସାମଗ୍ରୀକ ବିକାଶ ଦିଗରେ ସବୁ ମହଲରୁ ସହଯୋଗ ଲୋଡା ଯାଉଛି । ଯାହାକି ଆଗାମି ଦିନରେ ସୁଫଳ ଦେବ ବୋଲି ବିଧାୟକ ମତ ବ୍ୟକ୍ତ କରିଛନ୍ତି ।