ଝାରସୁଗୁଡ଼ାରେ ଗୋଟିଏ ପରିବାରର ୩ ଜଣଙ୍କୁ ଗୁଳିକରି ହତ୍ୟା ଅଭିଯୋଗ

 ଝାରସୁଗୁଡ଼ା ଜିଲ୍ଲା ଲଖନପୁର ବାଣୀପାହାଡ଼ରୁ ଆସିଛି ବଡ଼ ଖବର । ଲଖନପୁର ଥାନା ଅନ୍ତର୍ଗତ ବାଣୀପାହାଡ଼ ଖେଳ ପଡିଆରୁ ତିନି ମୃତ ଦେହ ଉଦ୍ଧାର କରାଯାଇଛି । ଏହି ତିନି ମୃତ ଦେହ ବାପା ମାଁ ଏବଂ ଝିଅ ବୋଲି ପ୍ରାଥମିକ ତଦନ୍ତରୁ ଜଣାପଡିଛି । ମୃତକ ମାନେ ଓରିଏଣ୍ଟ ଥାନା ଅଞ୍ଚଳର ବୋଲି ଜଣାପଡିଛି । ଏହି ଖବର ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି । ଏହି ମୃତ ଦେହ କେଉଁଠୁ ଆସିଲା ତାକୁ ନେଇ ଏକ ବଡ଼ ପ୍ରଶ୍ନ ସୃଷ୍ଟି ହେଉଛି । ଘଟଣାର ଖବର ପାଇବା ପରେ ଲଖନପୁର ପୋଲିସ ଘଟଣା ସ୍ଥଳକୁ ପହଞ୍ଚି ଉକ୍ତ ମୃତ ଦେହ ଗୁଡ଼ିକୁ ଜବତ୍ କରିବା ପରେ ତଦନ୍ତ ଆରମ୍ଭ କରିଦେଇଛି । ଏହି ତଦନ୍ତରେ ଫରେନ୍ସିକ୍ ଟିମ୍ ମଧ୍ୟ ସାମିଲ୍ ରହିଛି । ତେବେ ଏହି ତିନି ଜଣ ଆତ୍ମହତ୍ୟା କରିଛନ୍ତି ନାଁ କେହି ତାଙ୍କୁ ହତ୍ୟା କରି ଏହି ଖେଳ ପଡିଆରେ ଫୋଫାଡ଼ି ଦେଇଛି ତାହା ସନ୍ଦେହଘେରରେ ରହିଛି । ଲଖନପୁର ପୋଲିସ୍ ଏବଂ ଫରେନ୍ସିକ୍ ଟିମ୍ ଘଟଣାର ସତ୍ୟତା ସାମ୍ନାକୁ ଆଣିବା ପାଇଁ ତଦନ୍ତ ଜାରି ରଖିଛନ୍ତି