ରାଜ୍ୟ ସ୍ତରୀୟ ଦୌଡ କୁଦ ପ୍ରତିଯୋଗିତାରେ ଝାରସୁଗୁଡା ଦଳ ତିନି ଗୋଟି ସ୍ଵର୍ଣ ପଦକ, ଦୁଇଗୋଟି ରୌପ୍ୟ ପଦକ ଓ ଚାରିଗୋଟି ବ୍ରୋଞ୍ଜ ପଦକ ସହ ସର୍ବମୋଟ ନଅ ଗୋଟି ପଦକ ହାସଲ କରି ଜିଲ୍ଲା ପାଇଁ ଗୌରବ ଆଣିଛନ୍ତି

 ଗତ ତା 08.11.2033 ବୁଧବାର ଦିନ  ବିଦ୍ୟାଳୟ ସମୂହ ଝାରସୁଗୁଡା ଦଳର ଦୌଡ କୁଦ U-17 /14 ବାଳକ ଓ ବାଳିକା ବର୍ଗ  ସର୍ବମୋଟ 25 ଜଣ ସୁନ୍ଦରଗଡ଼ ରେ ହେବାକୁ ଥିବା ରାଜ୍ୟସ୍ତରୀୟ ପ୍ରତିଯୋଗିତାରେ ଭାଗ ନେବା ପାଇଁ ଯାତ୍ରା କରିଥିଲେ l ଉକ୍ତ ପ୍ରତିଯୋଗିତା 8.11.23 ରେ ଆରମ୍ଭ ହୋଇ 11.11.23 ରେ ଉଦଯାପିତ ହୋଇଥିଲା l ଏଥିରେ ଝାରସୁଗୁଡା ଦଳ ତିନି ଗୋଟି ସ୍ଵର୍ଣ ପଦକ, ଦୁଇଗୋଟି ରୌପ୍ୟ ପଦକ ଓ ଚାରିଗୋଟି ବ୍ରୋଞ୍ଜ ପଦକ ସହ ସର୍ବମୋଟ  ନଅ ଗୋଟି ପଦକ ହାସଲ କରି ଦୀର୍ଘ ପାଞ୍ଚ ବର୍ଷର ରେକର୍ଡ ଭଙ୍ଗ କରିବା ସହ ଆଜି ସ୍ୱଜିଲ୍ଲାକୁ ପ୍ରତ୍ୟାବର୍ତନ କରିଛି l ଜେନେରାଲ ମ୍ୟାନେଜେର ଭାବେ ସୁଶାନ୍ତ ପଟେଲ,ମ୍ୟାନେଜର ସୁକାନ୍ତ କୁମାର ବାଗ ଓ କୋଚ ଭାବେ ଜୟଶ୍ରୀ ଡନସନl ଓ ଭୁବନେଶ୍ୱରୀ ମାଝୀ ରହିଥିଲେ l ଜିଲ୍ଲା ଶିକ୍ଷା ଅଧିକାରୀ ପୁଷ୍ପା ମିଂଜ଼, ଅତିରିକ୍ତ ଶିକ୍ଷା ଅଧିକାରୀ ସୁଶାନ୍ତ କୁମାର ଘୁଟା ଓ ପ୍ରଦୀପ୍ତ କୁମାର ସା ଏବଂ ଡ଼ିଏସଏସ ନିରୋଜ ପଟେଲ  ତଥା ଜିଲ୍ଲା ଶିକ୍ଷା କାର୍ଯ୍ୟାଳୟର ସମସ୍ତ କର୍ମଚାରୀ, ଝାରସୁଗୁଡା ଜିଲ୍ଲାର ସମସ୍ତ କ୍ରୀଡ଼ାନୁଷ୍ଠାନ ଓ କ୍ରୀଡ଼ାବିତ ଦଳକୁ ଭୂୟସୀ ପ୍ରସଂଶା କରି ଛନ୍ତି ଓ ତାଙ୍କର ଉଜ୍ବଳ ଭବିଷ୍ୟତ କାମନା କରିଛନ୍ତି l ଅନ୍ୟ ପଟରେ ତା.10.11.23 ରେ ବରଗଡ ଜିଲ୍ଲାର ଟୁକୁର୍ଲା ବିଜ୍ଞାନ କେନ୍ଦ୍ରରେ ଅନୁଷ୍ଠିତ ହୋଇଥିବା ବେଣ୍ଡ ଟ୍ରୁପ ପ୍ରତିଯୋଗିତାରେ ଝାରସୁଗୁଡା ଜିଲ୍ଲା ର ଉଭୟ ବାଳକ ଓ ବାଳିକା ବର୍ଗ(ସରକାରୀ ବାଳିକା ଉଚ୍ଚ ବିଦ୍ୟାଳୟ ଓ ସରଣ୍ଡମାଳ ଉଚ୍ଚ ବିଦ୍ୟାଳୟ )ଦ୍ଵିତୀୟ ସ୍ଥାନ ଅଧିକାର କରି ଜିଲ୍ଲା ପାଇଁ ଗର୍ବ ଆଣିଛନ୍ତି ବୋଳି ଶାରୀରିକ ଶିକ୍ଷା ଅଧିକାରୀ ବିମଲ କୁମାର ତାଣ୍ଡି ଗଣମାଧ୍ୟମକୁ ସୂଚନା ଦେଇଛନ୍ତି