ସରକାରୀ ବିଦ୍ୟାଳୟ, ଉପର ଚିକଣ ଭିତର ଫମ୍ପା

 ଏ ହେଉଛି, ଝାରସୁଗୁଡ଼ା ଜିଲ୍ଲା ବନ୍ଧବାହାଲ ନିକଟରେ ଥିବା ଛର୍ଲା ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ।ଏଠି ବାହାରୁ ଦେଖିଲେ ବିଦ୍ୟାଳୟ ଟି ଉନ୍ନତ ଭଳି ଦିଶେ। ତେବେ ଯଦି ଶ୍ରେଣୀଗୃହ କି କାର୍ଯ୍ୟାଳୟ ଭିତରକୁ ଆମେ ପ୍ରବେଶ କରୁ ତେବେ ଅସଲ ଚିତ୍ର ଜଣାପଡେ। ଛାତ ଗୁଡ଼ିକ କେବେ ଧସି ପଡ଼ିବ କିଏ ବା ଜାଣେ। ଅନ୍ୟ ପକ୍ଷରେ ଶ୍ରେଣୀ ଗୃହ ଗୁଡ଼ିକ ଅବସ୍ଥା ନା କହିବା ଭଲ। ଛାତରୁ କଂକ୍ରିଟ ରଡ ଦିଶୁଥିବା ବେଳେ, ପ୍ରଥମ ଓ ଦ୍ବିତୀୟ ଶ୍ରେଣୀ ଗୃହର କାନ୍ଥ ଧସିବା ଆରମ୍ଭ କଲାଣି।

କେତେବଳେ କୌଣସି ଦୁର୍ଘଟଣା ଘଟିବ ର ନେଇ ଅଭିଭାବକ ମହଲରେ ଚିନ୍ତା ବଢ଼ି ଚାଲିଛି। ଏନେଇ ଜିଲ୍ଲାପାଳ, ମନ୍ତ୍ରୀ , ଜିଲ୍ଲା ଶିକ୍ଷାଧିକରୀ ଙ୍କୁ ସୂଚନା ଦେଲାପରେ ମଧ୍ୟ କୌଣସି ସୁଫଳ ମିଳିନଥିବା କହିଛନ୍ତି ଗ୍ରାମବାସୀ। ତେବେ MCL ନିକଟରେ ଥିବା ଏହି ବିଦ୍ୟାଳୟ ର ଅବସ୍ଥା ଦେଖି ସତରେ ଆଶ୍ଚର୍ଯ୍ୟ ହେବା ଛଡ଼ା ଆଉ କିଛି ରାସ୍ତା ନାହିଁ। ଅନ୍ୟପକ୍ଷରେ ମନ୍ତ୍ରୀଙ୍କ ପ୍ରତିଶ୍ରୁତି ମଧ୍ୟ ପାଣିର ଗାର ହୋଇ ପଡ଼ିଛି। ତେବେ ଦେଖାଯାଉ କେବେ ଏହି ବିଦ୍ୟାଳୟର ସଠିକ୍ ମରାମତି ହେଉଛି ନା ଏଭଳି ଅବ୍ୟବସ୍ଥାରେ ଅସୁରକ୍ଷିତ ହୋଇ ଛାତ୍ରଛାତ୍ରୀ ପାଠ ପଢିବେ !