ଝାରସୁଗୁଡ଼ା ଗୁଜାପଡ଼ା ରେ 2 ବର୍ଷ ଶିଶୁ ର ମୃତ ଦେହ ଉଦ୍ଧାର

 

ଝାରସୁଗୁଡ଼ା ଜିଲ୍ଲା ରେ ଦେଖିବାକୁ ମିଳିଛି ଏକ ହୃଦୟ ବିଦାରକ ଦୃଶ୍ୟ । ଏକ ଛୋଟ ସନ୍ତାନ କୁ ହରାଇବା ପରେ ମାତା ପିତା ଙ୍କ ସ୍ଥିତି ଅତି ଶୋଚନୀୟ ହୋଇପଡ଼ିଛି । ଜିଲ୍ଲା ପ୍ରଶାସନ ଙ୍କ ଉପରେ ତାଙ୍କର ଭରସା ଥିଲା କିନ୍ତୁ ତାହା ମଧ୍ୟ ପାଣି ଫଟକା ପରି ଫାଟିଗଲା ।ଦୁଇ ବର୍ଷ ବୟସ ର ଏକ ଛୋଟ ଶିଶୁ ଗତ ୩୧ ତାରିଖ ସନ୍ଧ୍ୟା ୫ ଟା ସମୟରେ ନିଖୋଜ ହୋଇଥିଲା । ତେବେ ପରିବାର ଲୋକେ ବହୁତ୍ ଖୋଜାଖୋଜି କଳା ପରେ ଛୁଆର କୌଣସି ଖବର ନ ମିଳିବାରୁ ଶେଷ ରେ ପରିବାର ଲୋକେ ପୋଲିସ୍ କୁ ଖବର ଦେଇଥିଲେ । ତେବେ ସୁନ୍ଦରଗଡ ଅଞ୍ଚଳ ର ଜଣେ ଦମ୍ପତି ଝାରସୁଗୁଡ଼ା ଗୁଜାପଡା ରେ ପାଖାପାଖି ୭ ବର୍ଷ ରୁ ରହିଆସୁଛନ୍ତି ।ଏହି ଦମ୍ପତି ଙ୍କ ୨ ବର୍ଷ ବୟସ ର ଜଣେ ଶିଶୁର ସେମାନେ ରହୁଥିବା ଘର ଠାରୁ ପ୍ରାୟ ୧ କି.ମି ଦୂର ରେ ଏହି ଶିଶୁ ର ମୃତ ଦେହ ମିଳିଛି । ତେବେ ଏତେ ଦୂର କୁ ୨ ବର୍ଷ ବୟସ ର ଜଣେ ଶିଶୁ କଣ ପାଇଁ ଏବଂ କିପରି ଯାଇଥିଲା ? ଏହାକୁ ନେଇ ମନ ରେ ଅନେକ ପ୍ରଶ୍ନ ଉଠିଛି । ପୋଲିସ୍ କୁ ଖବର ଦେବା ପରେ ପୋଲିସ ଉକ୍ତ ସ୍ଥାନକୁ ପହଂଚି ଥିଲା କିନ୍ତୁ ତଦନ୍ତ ରେ ଅବହେଳା ଦେଖାଦେଇଛି । ଏତେ ଛୋଟ ଛୁଆ ଏପରି ଏକ ଜାଗା କୁ ଯିବା ଅସମ୍ଭବ ଲାଗୁଛି ତଥାପି ଶିଶୁ ର ମୃତ ଦେହ ଏହି ବୁଦାଳିଆ ଗଛ ପତ୍ର ଥିବା ସ୍ଥାନ ରୁ ଠାବ କରାଯାଇଛି । ସ୍ଥାନୀୟ ଲୋକେ ଏହାକୁ ଏକ ହତ୍ୟା ଘଟଣା ବୋଲି ସନ୍ଦେହ କରୁଛନ୍ତି ।

ତେବେ ଶିଶୁ ର ପରିବାର ଲୋକ କହିଛନ୍ତି ଯେ ପ୍ରଶାସନ ରେ ଅଭିଯୋଗ ହେଲା ପରେ ମଧ୍ୟ ପ୍ରଶାସନ ଏ ଦିଗ ରେ ସଠିକ୍ ଭାବରେ ତଦନ୍ତ କରି ନଥିଲେ । ପ୍ରଶାସନ ଯଦି ନିଜର କର୍ତ୍ତବ୍ୟ ସଠିକ୍ ସମୟ ରେ ଓ ସଠିକ୍ ଭାବରେ କରିଥାନ୍ତି ତେବେ ଶିଶୁ କୁ ଜୀବନ୍ତ ଉଦ୍ଧାର କରାଯାଇ ପାରିଥାନ୍ତା ।କିନ୍ତୁ ଏହି ଘଟଣା ପଛରେ ପ୍ରକୃତ କଣ କାରଣ ରହିଛି, ସ୍ଥାନୀୟ ଲୋକ କରୁଥିବା  ସନ୍ଦେହ ସତ ଏହା ଏକ ହତ୍ୟା ନା  କେବଳ ଏକ ଅଘଟଣ...