ବିଭିନ୍ନ ସମସ୍ୟା ସମ୍ପର୍କରେ ଜିଲ୍ଲାପାଳଙ୍କୁ ଭେଟି ଲିଖିତ ଅନୁରୋଧ କଲେ ଲୋଇସିଂହ ଗ୍ରାମପଞ୍ଚାୟତର ସରପଞ୍ଚ ସନାତନ ରୋହିଦାସ

 ଆଜି ଲୋଇସିଂହ ଗ୍ରାମପଞ୍ଚାୟତ ର ବିଭିନ୍ନ ସମସ୍ୟା ସମ୍ପର୍କରେ ଜିଲ୍ଲାପାଳ ଙ୍କୁ ଭେଟି ଲିଖିତ ଅନୁରୋଧ କଲେ ଲୋଇସିଂହ ଗ୍ରାମପଞ୍ଚାୟତ ର ସରପଞ୍ଚ ସନାତନ ରୋହିଦାସ । ଲୋଇସିଂହ  ଠାରେ ଏକ ସ୍ମାର୍ଟ ମଡେଲ ମଣ୍ଡି ନିର୍ମାଣ,  ଇବ ନଦୀରେ ଏକ ବୃହତ ଉଠା ଜଳସେଚନ ପ୍ରକଳ୍ପ ସ୍ଥାପନ, ପୂର୍ତ୍ତ ବିଭାଗ ଅଧିନରେ ଆସୁଥିବା ରାସ୍ତା ର ରାଜପୁର , ଫଲସାଢିପା, ବାରଖଣ୍ଡିଆ ଏବଂ ବଲଙ୍ଗିବାହାଲ ଗ୍ରାମ ବାହାରେ ବାଇପାସ୍ ରାସ୍ତା ନିର୍ମାଣ, ଏବଂ ଇବ ନଦୀ ଉପରେ ଲୋଇସିଂହା ଠାରୁ ଏଚ୍ କଟାପାଲି ପର୍ଯ୍ୟନ୍ତ ଏକ ବ୍ରିଜ୍ ନିର୍ମାଣ ପାଇଁ ପ୍ରସ୍ତାବ ଦେଇଥିଲେ। ଉପରୋକ୍ତ ସମସ୍ୟା ଗୁଡିକ ର ସମାଧାନ ପାଇଁ ଜନସାଧାରଣ ଙ୍କ ଦ୍ଵାରା ବହୁତ ବର୍ଷ ରୁ ଦାବି ହେଉଥିବା ନେଇ ସରପଞ୍ଚ ଜିଲ୍ଲାପାଳଙ୍କ ଦୃଷ୍ଟି ଆକର୍ଷଣ କରିଥିଲେ।  ଜିଲ୍ଲାପାଳ ଉକ୍ତ ସମସ୍ୟା ର ସମାଧାନ ପାଇଁ ସମ୍ପୃକ୍ତ ବିଭାଗୀୟ ଅଧିକାରୀ ଙ୍କ ସହ ଆଲୋଚନା କରି ଉପଯୁକ୍ତ ପଦକ୍ଷେପ ନିଆଯିବ ବୋଲି କହିଥିଲେ।  ଏହି ଅବସରରେ ୱାର୍ଡ ସଭ୍ୟ ମଦନ ରୋହିଦାସ, ଜିତେନ୍ଦ୍ର ନାଏକ, ରାକେଶ ପ୍ରଧାନ ଏବଂ ମଦନ ସେଠ ପ୍ରମୁଖ ଉପସ୍ଥିତ ଥିଲେ।