ଜିଲ୍ଲା ଆଇନ ସେବା ପ୍ରାଧୀକରଣର ସମ୍ମିଳନୀ କକ୍ଷରେ ସ୍ଥାୟୀ ଲୋକ ଅଦାଲତର ପ୍ରତିଷ୍ଠା

 ଜିଲ୍ଲା ଆଇନ୍ ସେବା ପ୍ରାଧୀକରଣ ର ସମ୍ମିଳନୀ କକ୍ଷରେ କଠିଣ ବର୍ଜ୍ୟବସ୍ତୁ ପରିଚାଳନା ଏବଂ ସାର୍ବଜନିକ ଉପଯୋଗୀତା ସେବା ପାଇଁ ସ୍ଥାୟୀ ଲୋକ ଅଦାଳତ ର ପ୍ରତିଷ୍ଠା, ଏହାଦ୍ବାରା ସଜ୍ଞାନ କୁ ନିଆଯାଉଥିବା ବିଭିନ୍ନ ପ୍ରକାର ବିବାଦ ର ସମାଧନ ଏବଂ ଆଇନ୍ ସେବା ପ୍ରାଧୀକରଣ ଅଧିନିୟମ 1987 ରେ ଥିବା ବିଭିନ୍ନ ଯୋଜନା ସମ୍ପର୍କିତ ଏକ ସଚେତନତା କାର୍ଯ୍ୟକ୍ରମ ଜିଲ୍ଲା ଓ ଦୌରାଜଜ୍ ତଥା ଆଇନ୍ ସେବା ପ୍ରାଧିକରଣ ର ଅଧ୍ୟକ୍ଷ ଶ୍ରୀ ଦିଗାମ୍ବର ପୃଷ୍ଟି ଙ୍କ ନିର୍ଦ୍ଦେଶ କ୍ରମେ ଅନୁଷ୍ଠିତ ହୋଇଯାଇଅଛି। ଜିଲ୍ଲା ଆଇନ୍ ସେବା 

ପ୍ରାଧୀକରଣ ସଚିବ ସୁଶ୍ରୀ ନେହା ଦାସ ଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ସଚେତନତା କାର୍ଯ୍ୟକ୍ରମରେ ଝାରସୁଗୁଡ଼ା ପୌର ପରିଷଦ ର ସ୍ଵଚ୍ଛତା ବିଶେଷଜ୍ଞ ସୁଶ୍ରୀ ନବଦୀପ୍ତି ସାହୁ, ସହକାରୀ ଶ୍ରମ ଅଧିକାରୀ ଶ୍ରୀମତୀ ସସ୍ମିତା ବିଶ୍ଵାଳ ଏବଂ ରିମାଣ୍ଡ ଓକିଲ ତଥା ପ୍ରାଧିକରଣର ତାଲିକାଭୁକ୍ତ ଆଇନଜୀବୀ ଶ୍ରୀ ଦୟାନିଧି ଚାନ୍ଦ ଯୋଗଦେଇଥିଲେ।  ଜିଲ୍ଲା ଶ୍ରମ କାର୍ଯ୍ୟାଳୟ ପକ୍ଷରୁ ଜିଲ୍ଲା ଆଇନ୍ ସେବା ପ୍ରାଧୀକରଣ ର ପାରା ଲିଗାଲ ସ୍ଵେଚ୍ଛାସେବୀ ମାନଙ୍କ ଦ୍ଵାରା ଚିହ୍ନିତ ଅଣ ସଙ୍ଗଠିତ ଶ୍ରମିକ ମାନଙ୍କୁ ପରିଚୟ ପତ୍ର ପ୍ରଦାନ କରାଯାଇଥିଲା। ଏହି କାର୍ଯ୍ୟକ୍ରମରେ କଠିଣ ବର୍ଜ୍ୟବସ୍ତୁ ପରିଚାଳନା ଏବଂ ସାର୍ବଜନିକ ସେବା ସମ୍ପର୍କିତ ବିବାଦ ଗୁଡ଼ିକର ଆପୋଷ ବୁଝାମଣା ମାଧ୍ୟମରେ ସମାଧାନ କିପରି ସ୍ଥାୟୀ ଲୋକ ଅଦାଳତ ମାଧ୍ୟମରେ  ହୋଇପାରିବ ତାହା ବିଷୟରେ ଉପସ୍ଥିତ ଜନସାଧାରଣ ଙ୍କୁ ସଚେତନ କରାଯାଇଥିଲା।