ଆଞ୍ଚଳିକ ପରିବହନ ବିଭାଗ ଓ ପୁଲିସର ମିଳିତ ଗାଡ଼ି ଯାଞ୍ଚରେ କଟିଲା ୨୦୯ ଚାଲାଣ , ଆଦାୟ ହେଲା ୧୨ଲକ୍ଷରୁ ଉର୍ଦ୍ଧ୍ବ ଜୋରିମାନା।

 ରାଜ୍ୟରେ ଦୁର୍ଘଟଣା ଜନିତ ଶୂନ୍ୟ ମୃତ୍ୟୁ ପାଇଁ ଜାରି ନିର୍ଦ୍ଦେଶନାମା ଅନୁସାରେ ଗତକାଲି ଜିଲ୍ଲାରେ ଆଞ୍ଚଳିକ ପରିବହନ ବିଭାଗ ଓ ପୁଲିସର ମିଳିତ ଗାଡ଼ି ଯାଞ୍ଚରେ ବିଭିନ୍ନ ଧାରା ଅନୁସାରେ  ନିୟମ ଉଲଂଘନକାରୀଙ୍କ ନିକଟରୁ ୧୨ଲକ୍ଷ ୬୮ହଜାର ୫୦୦ଟଙ୍କା ଜୋରିମାନା  ବାବଦକୁ ଆଦାୟ କରାଯାଇଥିବା ବେଳେ୨୦୯ ଟି  ଚାଲାଣ କଟାଯାଇଛି। ବିନା ଲାଇସେନ୍ସ ପାଇଁ , ବିନା ହେଲମେଟ ପାଇଁ , ଅଧିକ ଗତିରେ ଚାରି ଚକିଆ , ଦୁଇ ଚକିଆ ଓ ଭାରିଯାନ  ଚାଳନା ପାଇଁ , ଗାଡ଼ି ରେଜିଷ୍ଟ୍ରେସନ ନ ଥିବା , ଇନ୍ସୁରାନ୍ସ ପାଇଁ ,

ସିଟ ବେଲ୍ଟ ପିନ୍ଧି ନ ଥିବାରୁ, ରେଜିଷ୍ଟ୍ରେସନ ଓ ଫିଟନେସ  ନ ଥିବାରୁ , ଶବ୍ଦ ଓ ବାୟୁ ପ୍ରଦୂଷଣ , ବିନା ପରମିଟରେ ଗାଡ଼ି  ଚଳାଇବା ଓ ଏନଫୋର୍ସମେଣ୍ଟ ଅଥରିଟିଙ୍କ ନିର୍ଦ୍ଦେଶ ଅବମାନନା ଇତ୍ୟାଦି ନିୟମ ଉଲଂଘନ ସକାଶେ ଜୋରିମାନା ଆଦାୟ ସହ ଚାଲାଣ କଟାଯାଇଛି। ଜିଲ୍ଲାର ପ୍ରତ୍ୟେକ ଥାନା ଅଞ୍ଚଳରେ ପୁଲିସ ଓ ଆଞ୍ଚଳିକ ପରିବହନ ବିଭାଗ ପକ୍ଷରୁ ମିଳିତ ଭାବେ  ଆସନ୍ତା ଏପ୍ରିଲ ସାତ ତାରିଖ ପର୍ଯ୍ୟନ୍ତ କଡ଼ାକଡ଼ି ଭାବେ ଏହି ଯାଞ୍ଚ ଚାଲୁ ରହିବ ବୋଲି ଆଞ୍ଚଳିକ ପରିବହନ ଅଧିକାରୀ ଦୀନବନ୍ଧୁ ଶୁଣ୍ଢି ଜଣାଇଛନ୍ତି।