ଲଇକେରା ବ୍ଳକ୍ ଅଞ୍ଚଳରେ ବାଘ ଆତଙ୍କ ।

 ଲଇକେରା ବ୍ଳକ୍ ଅଞ୍ଚଳରେ ବାଘ ଆତଙ୍କ । ଭୁକୁଲାପଡ଼ା, ଜାମମାଲ, ଗଞ୍ଜୁଡିହି ରେ ମିଳିଛି ବାଘର ପାଦ ଚିହ୍ନ । ଘଟଣା ସ୍ଥଳରେ ପହଞ୍ଚି ବନ ବିଭାଗର ଟିମ୍ ପହଞ୍ଚି ଆରମ୍ଭ କରିଛି ଅନୁସନ୍ଧାନ । ଝାରସୁଗୁଡା ଜିଲ୍ଲା ଲଇକେରା ବ୍ଳକ୍ ଅଞ୍ଚଳରେ ବାଘର ଆତଙ୍କ ଦେଖିବାକୁ ମିଳିଛି । ଲଇକେରା ବ୍ଲକର ବିଭିନ୍ନ ସ୍ଥାନରେ ବାଘର ପାଦ ଚିହ୍ନ ଦେଖିବାକୁ ମିଳିଥିବା ବେଳେ ଲୋକଙ୍କ ମଧ୍ୟରେ ଭୟ ସୃଷ୍ଟି ହୋଇଛି । ଭୁକୁଲାପଡ଼ା, ଜାମମାଲ, ଗଞ୍ଜୁଡିହି ଅଞ୍ଚଳ ରେ ବାଘର ପାଦ ଚିହ୍ନ ଦେଖିବାକୁ ମିଳିଥିଲା ।  ବାଘ ଚିହ୍ନ ସ୍ପଷ୍ଟ ହେବା ପରେ ଅଞ୍ଚଳବାସୀ ବନ ବିଭାଗକୁ ଖବର ଦେଇଥିଲେ ।  ବନ ବିଭାଗ କର୍ମଚାରୀ ଖବର ପାଇବା ପରେ ଏକ ଟିମ୍ ଗଠନ କରି ଘଟଣା ସ୍ଥଳରେ ପହଞ୍ଚି ଥିଲା  ଏବଂ ଏହାର ଅନୁସନ୍ଧାନ ଜାରି ରଖିଛି । ତେବେ ଏହି ବାଘ ଟି କେଉଁ ଦିଗରୁ ଆସିଛି ଏବଂ ବର୍ତ୍ତମାନ ଯେଉଁ ଅଂଚଳରେ ପ୍ରବେଶ କରିଛି ତାହା ସ୍ପଷ୍ଟ ହୋଇ ପାରି ନାହିଁ ।