ଝାରସୁଗୁଡ଼ା ଜିଲ୍ଲା ବରପାଲି ଗ୍ରାମ ଠାରେ ନୂଆଁଖାଇ ପରବର୍ତ୍ତୀ ଦିନ ଗ୍ରାମରେ ନାଗବାଚା ପୂଜା ଅନଷ୍ଠିତ ହୋଇଛି

 ଝାରସୁଗୁଡ଼ା ଜିଲ୍ଲା ବରପାଲି ଗ୍ରାମ ଠାରେ ନୂଆଁଖାଇ ପରବର୍ତ୍ତୀ ଦିନ ଗ୍ରାମରେ ନାଗବାଚା ପୂଜା ଅନଷ୍ଠିତ ହୋଇଛି । ହିନ୍ଦୁ ଦେବତାଙ୍କ ସ୍ଵତନ୍ତ୍ର ସ୍ଥାନ ରହିଛି ଓ ସେଥି ମଧ୍ୟରୁ ନାଗବାଚା ପୂଜାବିଧି ସ୍ଵତନ୍ତ୍ର ପୂଜା ଲୋକେ ନାଗ ସହ ବିଭିନ୍ନ ବିଷଧର ଜୀବ ଦଂଶନରୁ ମୁକ୍ତି ଉଦ୍ଧେଶ୍ୟରେ ନାଗବାଚା ଭଳି କଷ୍ଟସାଧ୍ୟ ପୂଜା କରି ସ୍ଵତନ୍ତ୍ର ଶିକ୍ଷା ଗ୍ରହଣ କରିଥାନ୍ତି ଓ ଏହାକୁ କଷ୍ଟସାଧ୍ୟ ବ୍ରତ ଭାବେ ଧାରଣ କରିଥାନ୍ତି । ଅବଶ୍ୟ ଆଜିର ବିଜ୍ଞାନ ଯୁଗରେ ଏହି ପରମ୍ପରା ଏବେ ଫିକା ପଡ଼ିବାରେ ଲାଗିଛି କିନ୍ତୁ ପରମ୍ପରା ଅନୁଯାୟୀ ବରପାଲି ଗ୍ରାମରେ ଭାଦ୍ରବ ମାସ ଶୁକ୍ଳ ପକ୍ଷ ଷଷ୍ଠୀ ଦିନ ନାଗବାଚା ପୂଜା ହୋଇଥାଏ । ଅନେକ ନିଷ୍ଠାପର ଶ୍ରଦ୍ଧାଳୁ ପ୍ରତି ବର୍ଷ ପରିବାର ସହ ନାଗବାଚା ପୂଜା କରି ଆସୁଛନ୍ତି । ନାଗବାଚା ଶିକ୍ଷା ଗ୍ରହଣ କରିଥିବା ବ୍ୟକ୍ତିମାନେ ନିଃସ୍ଵାର୍ଥ ଭାବେ ମାଗଣାରେ ଲୋକଙ୍କ ସେବା କରିଥାନ୍ତି । ସ୍ୱର୍ଗତ ମଧୁସୂଦନ ବଢ଼ାଇଙ୍କ ପୁତ୍ର ଗୁରୁ ମୀନକେତନ ବଢାଇ ମାତ୍ର ୧୮ ବର୍ଷ ବୟସରେ ଶିକ୍ଷା ଗ୍ରହଣ କରିଥିଲେ ଓ ପ୍ରାୟ ୩୧ ବର୍ଷ ହେବ କୋଠୀ ପୂଜା ତୁଲାଇ ଆସୁଛନ୍ତି । ଏବେ ବହୁ ଶିଷ୍ୟ ଶିକ୍ଷା ଗ୍ରହଣ କରି ଏହି ପୁରାତନ ପରମ୍ପରାକୁ ବଜାୟ ରଖିଛନ୍ତି । ପ୍ରତିବର୍ଷ ଭାଦ୍ରବ ଶୁକ୍ଳପକ୍ଷ ଷଷ୍ଠୀ ତିଥିରେ ବ୍ରତାଧାରିମାନେ ନାଗବାଚା ପୂଜାର ଦେବଦେବୀଙ୍କୁ ପ୍ରଥମେ ଆବାହାନ କରିଥାନ୍ତି ଏବଂ ପବିତ୍ର ଭାଦ୍ରବ ଷଷ୍ଠୀ ଦିନ ନିର୍ଜଳା ଉପବାସ ରହି ସେମାନେ ଗ୍ରାମର ବସୁନ୍ଧରା ନଦୀକୁ ଯାଇ ଜଳଦେବତାଙ୍କୁ ପୂଜା କରିଥାନ୍ତି । ଏଥିସହ ଗ୍ରାମକୁ ଆସିବା ବାଟ ମଝିରେ ଥିବା ଖୋଲା ଜାଗାରେ ପୂର୍ବରୁ ଲିପାପୋଛା କରାଯାଇ ପ୍ରସ୍ତୁତ ଥିବା ସ୍ଥାନରେ ଦେବଦେବୀଙ୍କୁ  ପୂଜାର୍ଚ୍ଚନା କରାଯାଇଥାଏ । ଏହି ପୂଜାରେ ଶିବ,ପାର୍ବତୀ,ଭୈରୋ,ଗରୁଡ଼,ହନୁମାନ,ମଙ୍ଗଳା ଓ ଠାକୁରଦେଇ ଭଳି ୧୦ ଟି ଦେବଦେବୀଙ୍କ ସହ ଗ୍ରାମର ପାଖ ଉଈହୁଙ୍କା ଠାରୁ ମାଟି ସଂଗ୍ରହ କରି ନାଗ ଓ ନଗୁଣୀଙ୍କ ମାଟି ପିଣ୍ଡୁଳା ତିଆରି କରିବା ପରେ ଘଟ ଆବାହନ କରିଥାନ୍ତି । ସନ୍ଧ୍ୟାରେ ନାଗବାଚା ଗୁଡ଼ିଘରରେ ରାତ୍ରୀକାଳୀନ ବଳିପୂଜା ଅନୁଷ୍ଠିତ ହୋଇଥିଲା । ପୁଜା ସରିବା ପରେ ବ୍ରତଧାରୀମାନେ ପୂର୍ବ ଦିନ ବସୁନ୍ଧରା ନଦୀତଟକୁ ଯାଇ ପୂଜାର୍ଚ୍ଚନା କରି ଜଳ ଓ ପ୍ରସାଦ ସେବନ କରିଥାନ୍ତି । ଏଥିରେ ଗୁରୁ ରୋହିତ ସାଏ,ଅରବିନ୍ଦ ପ୍ରଧାନ,ରାହାସ ଭୋଇ,କଲାକୃଷ୍ଣ ସେଟ,ଲୋଚନ ପ୍ରଧାନ,ମଙ୍ଗଳ ମାଝୀ,ଦୋଳନନ୍ଦ ଭଇଁଷା,କାହ୍ନୁଚରଣ ବଢାଇ,ଲଳିତ ସେଟ,ଜିବର୍ଦ୍ଧନ ବଢାଇ,ପଙ୍କଜ ସେଟ,ସୁନିଲ ସିଂହ ଲାଲୁ,ଯୁବରାଜ ବିଶି,ନିରଞ୍ଜନ ବଢାଇ ପ୍ରମୁଖ ସହଯୋଗ କରିଥିଲେ ।