କୁଡାଲୋଇ ନର୍ଥ ଏ କୋଲ ବ୍ଲକ ପାଇଁ ସର୍ବ ସାଧାରଣ ଜନ ଶୁଣାଣି ଶିବିର ଅନୁଷ୍ଠିତ

 ଭାରତ ସରକାରଙ୍କ ପରିବେଶ, ଜଙ୍ଗଲ ଏବଂ ଜଳବାୟୁ ପରିବର୍ତ୍ତନ ମନ୍ତ୍ରଣାଳୟ ଦ୍ଵାରା ପରିବେଶ ମଞ୍ଜୁରୀ ପାଇଁ ଆଞ୍ଚଳିକ କାର୍ଯ୍ୟାଳୟ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ ପକ୍ଷରୁ ପିପିଲିମାଲ ଗ୍ରାମରେ ଏକ ସର୍ବସାଧାରଣ ଜନ ଶୁଣାଣି ଶିବିର ଅନୁଷ୍ଠିତ ହୋଇଯାଇଛି । ଏହି ସର୍ବ ସାଧାରଣ ଜନ ଶୁଣାଣି ଶିବିରଟି ବେଦାନ୍ତ ଲିମିଟେଡର ଝାରସୁଗୁଡ଼ା ଜିଲ୍ଲା ଲଖନପୁର ତହସିଲ ଅନ୍ତର୍ଗତ କୁଡ଼ାଲୋଇ ନର୍ଥ A କୋଲ୍ ବ୍ଲକ୍ ପାଇଁ ଅନୁଷ୍ଠିତ ହୋଇଥିଲା । ତେବେ ଏହି ଜନ ଶୁଣାଣି ଶିବିରରେ କୁଡ଼ାଲୋଇ ନର୍ଥ A କୋଲ୍ ବ୍ଲକ୍ କୁ କିଛି ଲୋକେ ସ୍ବାଗତ କରିଥିବା ବେଳେ କିଛି ଲୋକେ ଏହାକୁ ବିରୋଧ କରିଥିଲେ । ଏହା ସହିତ ସ୍ଥାନୀୟ କିଛି ଲୋକଙ୍କୁ ଏହି ଜନ ଶୁଣାଣି ଶିବିର ଭିତରକୁ ପଶିବା ପାଇଁ ଦିଆଯାଇ ନଥିବାରୁ ଶିବିର ସମ୍ମୁଖରେ ଲୋକେ ବିକ୍ଷୋଭ କରିଥିଲେ । ଏହି କୋଲ୍ ବ୍ଲକ୍ ଦ୍ଵାରା ବିସ୍ଥାପିତ ଏବଂ କ୍ଷତିଗ୍ରସ୍ତ ଲୋକଙ୍କୁ ସରକାରଙ୍କ ସମସ୍ତ ନୀତିନିୟମ କୁ ପାଳନ କରି କ୍ଷତିପୂରଣ ଓ ଥଇଥାନ ପ୍ରଦାନ କରାଯିବ ବୋଲି କୁଡ଼ାଲୋଇ ନର୍ଥ ଏ କୋଲ୍ ବ୍ଲକର ପ୍ରକଳ୍ପ ମୁଖ୍ୟ କହିଛନ୍ତି । ଏହି ଜନ ଶୁଣାଣି ଶିବିରରେ ଯୋଗ ଦେଇଥିବା କଲେ ସ୍ଥାନୀୟ ଅଂଚଳର ବିକାଶ, ସ୍ଥାନୀୟ ନିଯୁକ୍ତି, କ୍ଷତିପୂରଣ ଓ ଥଇଥାନ କୁ ଅଗ୍ରାଧିକାର ପ୍ରଦାନ କରିବା ପାଇଁ ପ୍ରକାଶ କରାଯାଇଥିଲା । ତେବେ ପିପିଲିମାଲ, କୁଡ଼ାଲୋଇ, ଧଉଁରାମୁଣ୍ଡା, ବେଲପାହାଡ , ବଂଜାରି, ବର୍ତାପ ଆଦି ଗ୍ରାମରେ ୯୬୫.୫୮ ହେକ୍ଟର ପରିମିତ ଜମିରେ ବାର୍ଷିକ ଉତ୍ପାଦନ କ୍ଷମତା ୮ ନିୟୁତ ଟନ୍ କରିବା ପାଇଁ ଏହି ଜନ ଶୁଣାଣି ଶିବିର ଅନୁଷ୍ଠିତ ହୋଇଥିଲା ।